Wiki source code of 67X Eredua

Azken aldaketa ZERGA BIDEA 2025/11/14 10:20
{{box cssClass="floatinginfobox" title="**Contents**"}}
{{toc/}}
{{/box}}


= **PRESTAKETA** =


== AITORPEN ZIRRIBORROAREN LABURPENA ==


Pantaila honetan, aitorpenaren laburpen bat agertzen da, hainbat ataletan sartutako datuen arabera prestatu dena.

Aitorpenaren ataletan sartzeko, MENUA botoia sakatu daiteke edo, bestela, AURREKOA eta HURRENGOA botoiak, aitorpenaren urrats guztiei jarraipena egiteko aukera ematen baitute.

Behin atalak eta derrigorrezko datu guztiak beteta, aitorpenaren aurkezpena AURKEZTU botoiaren bidez egin ahal izango da.

AURREBISTA edo PDF botoia sakatuta aitorpenaren  zirriborroa agertuko da, baina ez du balio izango aitorpena aurkezteko.

== DOKUMENTUAREN DATUAK ==


* ** Erreferentziako pertsona**

Dokumentua identifikatzeko pertsona bat aukeratu eta haren datuak adierazi.


* ** Dokumentu mota **

Goitibeherako zerrendan aukeratu zerga sortu duen egintza edo kontratua jasotzen  duen dokumentu  mota (notariala, judiziala, administratiboa edo pribatua).


* ** Notarioa /Agintaria**

Adierazi, hala badagokio, notarioaren izen-abizenak edo dokumentua eman duen organo judizial edo administratiboaren datuak.


* ** Protokolo zenbakia / Erreferentzia**

Adierazi, hala badagokio, dokumentu notarialaren  protokolo  zenbakia edo dokumentu judizial edo administratiboaren erreferentzia.


* ** Dokumentuaren data**

Adierazi zein egunetan egin den dokumentua.


* ** Dokumentuaren xedea**

Dokumentuan ageri diren eskuratzeko modu desberdinak adierazi:

  -__ Oinordetza__: ondasun eta eskubideak herentzia, legatu edo beste edozein oinordetza titulu bidez eskuratzea.
  -__ Dohaintza__: ondasun eta eskubideak eskuratzea dohaintzaz edo “inter vivos” egindako doako beste edozein negozio juridikoren bidez.
  -__ Asegurua__: bizi aseguruen onuradunek jasotako zenbatekoak, asegurua kontratatu duena eta onuraduna pertsona bera ez bada, 2006ko abenduaren 29ko 10/06 Foru Arauak, Gipuzkoako Pertsona Fisikoen Errentaren gaineko Zergarenak, 18.a) artikuluan berariaz erregulatutako kasuak salbu.

== KAUSATZAILEAK / DOHAINTZA-EMAILEAK ==


* ** Kausatzailea / Dohaintza-emailea**

Goitibeherako zerrendan aukeratu kausatzailea / dohaintza-emailea.
Kausatzaile / dohaintza-emaile berri bat aukeratzeko (hau da, zerrendan ageri ez den  kausatzaile / dohaintza-emaile bat), GEHITU  botoia sakatu eta bere datuak sartu.


* ** Jaioteguna (671 ereduan bakarrik)**

Dohaintza-emailearen jaiotze-data adierazi.


* ** Baliaezintasun handia edo ezintasun iraunkor absolutua (671 ereduan bakarrik)**

**~ **Dagokionaren arabera, BAI ala EZ adierazi.


* ** Sortzapen eguna (670 eta 672 ereduetan bakarrik)**

Adierazi zein egunetan hil den kausatzailea edo, bestela, zein egunetan irmo bihurtu den  absentearen heriotza-adierazpena Kode Zibilaren 196. artikuluaren arabera.

Testamendu-ahalorde bidez gauzatzen diren herentzietan, zerga sortuko da ahalordea modu ezeztaezinez erabiltzen denean edo ahalordea azkentzeko arrazoietako bat gertatzen denean. 

Oinordetza-itunek unean bertan dutenean eraginkortasuna edo herentziari uko egiteko oinordetza-tituluak direnean –foru arau honen 3.1.a) artikuluan aipatuak-, izendatzailea bizirik dagoela gertatuko da zergaren sortzapena, eskualdaketa egiten den unean.


* ** Ohiko bizilekua sortzapen egunean (670 eta 672 ereduetan bakarrik)**
**  Goitibehereako zerrendan adierazi zein “PROBINTZIA”tan zuen ohiko bizilekua kausatzaileak sortzapen egunean.
*** __Kausatzailea ez egoiliarra balitz sortzapen egunean__: “__Ez egoiliarra__” laukitxoa markatu eta adierazi goitibeherako zerrendan zein “HERRI”tan zuen ohiko bizilekua.
**  Ohiko bizilekua Zergaren Foru Arauak 2 bis artikuluan dioenari jarraiki zehaztuko da.                                  
**  Kausatzailearen ohiko bizilekua Gipuzkoan badago sortzapen egunean, ondoko informazioa eman behar da, sortzapen egunaren arabera:
*** __“EAEn egun gehiago”__ (2017ko abenduaren 30etik aurrera sortutako zerga-egitateak):(((
(% id="HSeindicarE1SCDencasodequeelcausantenohubierepermanecidoenterritoriocomFAnunmayornFAmerodedEDasdelperiododelos5aF1osinmediatosanteriores2Ccontadosdesdelafechadeldevengodelimpuesto." %)
**BAI **adierazi  kausatzaileak zergaren sortzapen egunaren  aurreko 5 urteetako denboraldian ez  baditu egun gehiago pasa lurralde erkidean. 

(% id="HSeindicarE1NOencasocontrario.EnesteFAltimosupuesto2CsielsujetopasivotributaporobligaciF3npersonal2CseaplicarE1nlasnormasdeterritoriocomFAn28enparticular2ClasnormasdelacomunidadautF3nomaenlaqueelcausantehubierapermanecidodurantemE1sdEDasenlos5aF1osinmediatosanteriores2CsintenerencuentaparadichocE1lculoelperEDododepermanenciaenelPaEDsVasco29." %)
Bestela, **EZ **adierazi. Kasu horretan, obligazio pertsonalagatik tributatuz gero, lurralde erkideko arauak aplikatuko dira. Zein autonomia-erkidegotako arauak aplikatu behar diren zehazteko, kontuan izan behar da zein autonomia-erkidegotan igaro duen denbora gehien sortzapen egunaren aurreko 5 urteetako denboraldian, kalkulu horretarako EAEn igarotako egunak kontuan hartu gabe.

(% id="HNOTA:CuandolacorrespondientenormativadeterritoriocomFAnobligueaintegrarlacantidadpercibidadelosseguroscomootrobienoderechodelaherencia2CdeberE1cumplimentarseelmodelo67028noelmodelo67229." %)
//OHARRA: Aplikagarri den  lurralde erkideko araudiak aseguruen zenbatekoa oinordetzaren ondasun edo eskubide bezala sartzera behartzen badu, 670 eredua bete beharko da (ez 672 eredua). //
)))
*** __“Ohiko egoitza EAEn”__ (2017ko abenduaren 29 arte sortutako zerga-egitateak):(((
(% id="HSeindicarE1SCDencasodequeelcausantenohubierepermanecidoenterritoriocomFAnunmayornFAmerodedEDasdelperiododelos5aF1osinmediatosanteriores2Ccontadosdesdelafechadeldevengodelimpuesto." %)
**BAI **adierazi kausatzaileak ohiko bizilekua Euskal Autonomia Erkidegoan izan badu aurreko 5 urteetan, zergaren sortzapen egunetik kontatuta. 

(% id="HSeindicarE1NOencasocontrario.EnesteFAltimosupuesto2CsielsujetopasivotributaporobligaciF3npersonal2CseaplicarE1nlasnormasdeterritoriocomFAn28enparticular2ClasnormasdelacomunidadautF3nomaenlaqueelcausantehubierapermanecidodurantemE1sdEDasenlos5aF1osinmediatosanteriores2CsintenerencuentaparadichocE1lculoelperEDododepermanenciaenelPaEDsVasco29." %)
Bestela, **EZ **adierazi. Kasu horretan, obligazio pertsonalagatik tributatuz gero, lurralde erkideko arauak aplikatuko dira. Zein autonomia-erkidegotako arauak aplikatu behar diren zehazteko, kontuan izan behar da ohiko bizilekua zein autonomia-erkidegotan izan duen denbora gehiagoz sortzapen egunaren aurreko 5 urteetako denboraldian, kalkulu horretarako EAEn ohiko bizilekua izandako denboraldia kontuan hartu gabe.

(% id="HNOTA:CuandolacorrespondientenormativadeterritoriocomFAnobligueaintegrarlacantidadpercibidadelosseguroscomootrobienoderechodelaherencia2CdeberE1cumplimentarseelmodelo67028noelmodelo67229." %)
//OHARRA: Aplikagarri den lurralde erkideko araudiak aseguruen zenbatekoa oinordetzaren ondasun edo eskubide bezala sartzera behartzen badu, 670 eredua bete beharko da (ez 672 eredua). //
)))
* ** Kausatzailearen datu ekonomikoak (670 eta 672 ereduetan bakarrik)**
Atal hau __oinordetza __kasuetan bete behar da. Hortaz, __bizi-aseguruen__ onuradunek jasotako zenbatekoak aitortuz gero bakarrik, atal hau bete beharrik ez dago.
** __Ondasun eta eskubideen benetako balioa:__
Jarri Oinordetzen gaineko Zergari atxikita egonik, kausatzailearenak diren ondasun eta eskubide guztien benetako balioa, bizi den ezkontideari irabazizko lege sozietatean dagokion zatia sartu gabe.
 
** __Ondasunen gehiketa__:
Jarri kausatzailearen ondareari gehitu zaizkion ondasun guztien benetako balioa, Zergaren Foru Arauak 11. artikuluan eta Erregelamenduak 14tik 17ra arteko artikuluetan eta 19. artikuluan xedatutako presuntzioak aintzat hartuta.
 
** __Salbuespenak__:
Jarri indarrean dagoen araudiaren arabera salbuetsita dauden ondasunen balio osoa.
 
** __Herentzia masa__:
Ondoko eragiketaren emaitza da: Ondasun eta eskubideen benetako balioa + Ondasunen gehiketa - Salbuespenak
 
** __Karga kengarriak__:
Jarri zein karga dauden zuzenean ezarrita ondasunen gainean, hauen kapital edo balioa benetan murrizten dutenean (Zergaren Foru Arauaren 12. artikulua eta Erregelamenduaren 20. artikulua).
 
** __Zor kengarriak__:
Jarri oinordetzaren kausatzaileak utzitako zorrak, betiere zor horiek egon badaudela behar bezala frogatzen bada (Zergaren Foru Arauaren 13. artikulua eta Erregelamenduaren 21. artikulua).
 
** __Gastu kengarriak__:
Honako gastuak jarriko dira, betiere frogaturik badaude: kausatzailearen azken gaixotasun, hileta eta lurperatzeagatik oinordekoek ordaindutako gastuak, oinordeko guztien interes orokorrean izandako auzian sortutako gastuak -testamentuak edo abintestatuak auzi izaera hartzen dutenean-, eta, orobat, arbitraje gastuak, baldintza berdinetan, jarduketen testigantzaz frogatuta badaude. Hala ere, utzitako ondasunen administrazio gastuak ez dira sartzen (Zergaren Foru Arauaren 14. artikulua eta Erregelamenduaren 22. artikulua).
 
** __Herentzia masa garbia__:
Ondoko eragiketaren emaitza da: Herentzia masa – Karga kengarriak – Zor kengarriak – Gastu kengarriak

= **AURKEZPENA** =


== 670, 671 ETA 672 EREDUAK AURKEZTERA BEHARTUAK ==


Zergadunak behartuta daude oinordetzen eta dohaintzen gaineko zergaren autolikidazioa aurkeztera, honako kasuotan:


I. **Mortis causa eskurapenetan**, eta **bizi-aseguruen** onuradunek aseguratuaren heriotzaren ondoren kopuruak hartzen dituztenean, baldin eta sortzapen-egunean kausatzailearen ohiko bizilekua Gipuzkoan badago. Kausatzailearen bizilekua atzerrian badago, zergadunek bizilekua Gipuzkoan badute. 


II. **Ondasun higiezinen** eta haien gaineko eskubideen **dohaintzetan**, ondasun horiek Gipuzkoako lurraldean kokatuta baldin badaude. Ondasun higiezinak atzerrian badaude, dohaintza-hartzaileak ohiko bizilekua Gipuzkoan baldin badu sortzapenaren egunean. 

Atal honen ondorioetarako, ondasun higiezinen dohaintzatzat hartuko dira Balore Merkatuaren Legearen testu bategina onetsi duen urriaren 23ko 4/2015 Legegintzako Errege Dekretuko 314. artikuluan aipatutako baloreen doako eskualdatzeak. 


III. **Gainerako ondasun eta eskubideen dohaintzetan**, dohaintza-hartzaileak ohiko bizilekua Gipuzkoan baldin badu sortzapenaren egunean. 


IV. **Zergadunak bizilekua atzerrian** duenean:

a) Baldin eta, Euskadin kokatutako ondasun eta eskubideen balioa lurralde erkidean kokatutakoena baino handiagoa izanik, Gipuzkoan kokatutakoen balioa beste bi lurralde historikoetako edozeinetan kokatutakoena baino handiagoa bada.
Letra honen ondorioetarako, lurralde jakin batean kokatuta daudela ulertuko da lurralde horretan dauden, erabil litezkeen edo bete beharko liratekeen ondasun eta eskubideak.
b) Bizitza aseguruen kontratuetatik eratorritako kopuruak jasoz gero, kontratua Gipuzkoan egoiliartuta dauden aseguru-etxeekin egin baldin bada, edo kontratua Gipuzkoan izenpetu bada bertan jarduten duten atzerriko entitateekin.


== EREDUAK NOLA AURKEZTU ETA DIRU-SARRERA NOLA EGIN ==


Modu hauek daude 670, 671 eta 672 ereduak aurkezteko:


I.- Bide **TELEMATIKOA**, Internet bidez, «ZERGABIDEA» plataforma erabilita.
Aurkezpena bide telematikoz egiten bada, **emaitza ordaintzekoa** izanik, autolikidazioa **aurkeztutzat joko** da **diru-sarrera** honako bide hauen bidez egiten denean:

1. Ordainketa-pasabidearen bidez, abenduaren 11ko 1074/2008 Foru Aginduan xedatutakoaren arabera (1074/2008 Foru Agindua, abenduaren 11koa, Gipuzkoako Foru Aldundiaren zuzenbide publikoko diru-sarrerak ordainketa-pasabidearen bidez ordaintzea arautzen duena).
1. Ordainketa-gutunaren bidez: Zergabidea plataformatik ordainketa-gutuna inprimatu beharko da, eta ondoren, zenbatekoa erakunde laguntzaileetako batean ordaindu. Gipuzkoako Foru Ogasunean ordainketaren baieztapena jaso eta gero (egun gutxi batzuk), autolikidazioaren aurkezpena automatikoa izango da eta aurkezpenaren egiaztagiria eskuratu ahal izango da.

II.- **PAPEREZKO EUSKARRIA**. Interesdunek honela eskuratu dezakete paperezko euskarria: eredua PDF formatuan inprimatuz Gipuzkoako Foru Aldundiaren egoitza elektronikotik (https://egoitza.gipuzkoa.eus) eta Ogasun eta Finantza Departamentuaren webgune ofizialetik (https://www.gipuzkoa.eus/ogasuna), edo, bestela, zuzenean «Zergabidea» plataformatitik inprimatuz, betiere dagokion eredua bete eta gero. Orobat, eredu horiek Gipuzkoan baimendutako estankoetan ere eskura daitezke.
Aurkezpena paperean egiten bada **emaitza ordaintzekoa** izanik, inprimakia aurkeztu baino lehen autolikidazioaren zenbatekoa ordaindu beharko da abuztuaren 2ko 38/2006 Foru Dekretuaren bidez onetsitako Gipuzkoako Lurralde Historikoko Zerga-bilketa Erregelamenduan aipatzen diren entitate laguntzaileetako batean. Hori egin ondoren, zergadunek Ogasun eta Finantza Departamentuko Herritarren Arretarako bulegoetan aurkeztu ahal izango dute eredua eta hari dagokion dokumentazioa.
Aurkezpena paperean egiten bada **ordaindu beharreko kuotarik izan gabe**, eredua eta dokumentazioa zuzenean aurkeztuko dira Ogasun eta Finantza Departamentuko Herritarren Arretarako bulegoetan.

== EREDUAK AURKEZTEKO EPEA ==


• Zergadunek epe hauetan aurkeztuko dute autolikidazioa:

a) **«Mortis causa»** eskurapenetan edo edozein oinordetza titulu bidez egindakoetan, **bizitza aseguruen** kontratuengatik heriotza kasuetan onuradun gertatzen direnenak barne, **urtebeteko epean**, kausatzailearen heriotza egunetik edo heriotzaren deklarazioa irmo bihurtzen den egunetik aurrera, edo, kasua bada, **eraginkortasuna unean bertan duten oinordetza itunetan** zergaren sortzapena gertatzen den egunetik aurrera.

Epe hori bera aplikatuko zaie gozamenduna hiltzean gauzatu behar diren **gozamen eskurapenei**, jabaria «inter vivos» egintzen bitartez zatitu arren.

b) **Gainerako kasuetan**, epea **hogeita hamar egun baliodunekoa** izango da, egintza edo kontratua gauzatu edo egin ondorengo egunetik aurrera.


• Komisarioak gozamen eskubideagatik autolikidatzeko duen betebeharra eragotzi gabe, **testamentu ahalordearen menpeko herentzietan** ezingo da autolikidaziorik aurkeztu harik eta testamentu ahalordea modu guztiz edo  partez errebokaezinean erabili arte, edo hura azkentzeko dauden gainerako arrazoietako bat gertatu arte.

• Ondasunen eskurapen batek **etenda badu eraginkortasuna** tartean baldintza bat, epemuga bat, fideikomiso bat edo beste edozein muga ezarri delako, mugapen horiek desagertzen diren egunean gauzatutzat joko da eskurapena.