Wiki source code of 60T Eredua

Azken aldaketa ZERGA BIDEA 2025/11/17 15:20
{{box cssClass="floatinginfobox" title="**Contents**"}}
{{toc/}}
{{/box}}


= **I. PRESTAKETA** =

== **__{{id name="DECLARACION"/}} 1. AITORPEN ZIRRIBORRO BERRIA__** ==

* **Eredua**
Goitibeherako zerrendan aukeratu “60T – Aitorpen-likidazioa. Ondare eskualdaketak”.

* **Aitortzailea**
Goitibeherako zerrendan aukeratu aitortzailea (subjektu pasiboa).
Aitortzaile berri bat aukeratzeko (hau da, zerrendan ageri ez den  aitortzaile bat), AITORTZAILE BERRIA botoia sakatu eta bere datuak sartu (IFZ; abizenak eta izena edo enpresaren izena).

* **Urtea **
Goitibeherako zerrendan aukeratu ereduaren prestaketa urtea.

== **__{{id name="RESUMEN"/}} 2. AITORPEN ZIRRIBORROAREN LABURPENA __** ==


Pantaila honetan, aitorpenaren laburpen bat agertzen da, hainbat ataletan sartutako datuen arabera prestatu dena.


Aitorpenaren ataletan sartzeko, MENUA botoia sakatu daiteke edo, bestela, AURREKOA eta HURRENGOA botoiak, aitorpenaren urrats guztiei jarraipena egiteko aukera ematen baitute.


Behin atalak eta derrigorrezko datu guztiak beteta, aitorpenaren aurkezpena AURKEZTU botoiaren bidez egin ahal izango da.

AURREBISTA edo PDF botoia sakatuta aitorpenaren  zirriborroa agertuko da, baina ez du balio izango aitorpena aurkezteko.


== **__{{id name="DATOSOPERACION"/}} 3. AGIRIAREN ETA ESKUALDATZEAREN DATUAK __** ==


* **Sortzapen data **
Adierazi zein egunetan egin den zergapeturiko egintza edo kontratua (eskritura data, kontratuarena, etab.). 

* **Kontzeptua eta gakoa **
Goitibeherako zerrendan aukeratu kontzeptua eta dagokion gakoa.

* **Eragiketaren identifikazioa **
Deskribatu egindako eragiketa. Hiri finken eskualdaketetan, helbide osoa adieraziko da; landakoetan, finkak duen azalera eta kokalekua.

* **Usufruktuaren iraungitzea **
BAI adierazi usufruktuaren iraungitzea aitortzen bada. Kontrako kasuan, EZ adierazi.

* **{{id name="DATOSDOCUMENTO"/}} Agiriaren izaera **
Goitibeherako zerrendan aukeratu zerga sortu duen egintza edo kontratua jasotzen  duen dokumentu mota (publikoa ala pribatua). Gainera, izaera publikoa duen agiria bada, honako datuak adierazi behar dira:
** __Dokumentuaren jatorria__
Adierazi agiria “notario” batek ala “beste agintari” batek egin duen.
** __Notarioa__
Goitibeherako zerrendan aukeratu notarioaren izen abizenak.
*** “Beste notario” marka: Notarioa ez bada goitibeherako zerrendan ageri, aukeratu “Beste notario” marka eta adierazi notarioaren izen abizenak.
** __Agintaria__
Adierazi agiria egin duen agintariaren datuak.
** __Protokolo zk. / Espediente zk.__
Adierazi, hala badagokio, dokumentu notarialaren protokolo zenbakia edo dokumentu judizial edo administratiboaren espediente zenbakia.

* **Katastroko erreferentzia eta finka zenbakia **
Ondasun higiezinen eskualdaketetan eta horien gaineko eskubide errealen kasuan, sakatu "EDITATU" botoia eta adierazi higiezin bakoitzaren finka zenbakia (edo “zenbaki finkoa”).

== **__{{id name="DATOSAUTOLIQUIDACION"/}} 4. AUTOLIKIDAZIOAREN DATUAK __** ==



* **Aitortutako balioa **
Adierazi egindako eragiketa juridikoagatik subjektu pasiboek Zerga Administrazioan aitortutako balioa.

* **Salbuetsia / Zergari lotugabea **
Goitibeherako zerrendan hautatu ondoko aukeretako bat:
** __“Salbuetsia”__: egindako eragiketa juridikoa salbuetsita dagoenean.
** __“Zergari lotugabea”__: egindako eragiketa juridikoa ez dagoenean zergari lotuta.
** __“Baliorik gabe”__: egindako eragiketa juridikoa lotua eta salbuetsi gabea denean, baina ez duenean baliorik.
** __Hutsik__: Aurreko hiru kasuetako bat bera ere ez denean betetzen.

* **Onura fiskalaren funtsa **
Zehaztu zein xedapenetan eta zein artikulutan jasotzen den onura fiskala (salbuespena, murrizpena, hobaria) edo, kasua bada, zeinek uzten duen eragiketa zergapetu gabe.

* **Autolikidazio mota **
Goitibeherako zerrendan aukeratu autolikidazio mota:
** __“Arrunta”__ 
** __“Zuzenketa”__ : aurretik aurkeztutako autolikidazioa zuzentzeko eta kopuru gehigarri bat ordaintzeko aurkezten dena.

* **Oinarri ezargarria **
Eskualdatutako ondasunen edo eratzen nahiz lagatzen den eskubidearen benetako balioa adierazi.

* **Murrizpena**
Jarri oinarri ezargarriari aplikatu beharreko murrizpen portzentajea.

* **(Murrizpenaren) zenbatekoa **
Honako eragiketaren emaitza da: Oinarri ezargarria – Murrizpena ~(%)

* **Oinarri likidagarria**
Honako eragiketaren emaitza da: Oinarri ezargarria – (Murrizpenaren) zenbatekoa

* **Tasa**
Kasu gehienetan, aplikazioak aplikagarri den zerga-tasa adierazten du. Hala ez balitz, aukeratu goitibeherako zerrendan eragiketari aplikatu beharreko tasa.

* **Kuota**
Honako eragiketaren emaitza da: Zerga oinarria * Eskala edo zerga-tasa.

* **Hobaria**
Adierazi kuotari aplikatu beharreko hobariaren portzentajea.

* **(Hobariaren) zenbatekoa**
Honako eragiketaren emaitza da: Kuota * Hobaria ~(%)

* **Aurreko kuoten kenkaria (aurretik aurkeztutako autolikidazioen zuzenketa)**
Aurretik ordaindutako kuoten zenbatekoa adierazi.

* **Ordaintzekoa, guztira **
Honako eragiketaren emaitza da: Kuota – (Hobariaren) zenbatekoa – Aurreko kuoten kenkaria.

== **__{{id name="DATOSSUJETOS"/}} 5. SUBJEKTU PASIBOEN DATUAK EDITATU __** ==


* **Subjektu pasiboa**
** __Lehenengo subjektu pasiboa__: programak AITORTZAILEAren datuak jasotzen ditu (AITORPEN ZIRRIBORRO BERRIA pantailan adierazitako aitortzailearenak, hain zuzen). 
** __Bigarren eta hurrengo subjektu pasiboak__:
Aukeratu subjektu pasiboa goitibeherako zerrendan.
Subjektu pasibo berri bat aukeratzeko (hau da, zerrendan ageri ez den  subjektu pasibo bat), BERRIA  botoia sakatu eta bere datuak adierazi.

* **Partaidetza portzentajea **
Adierazi subjektu pasibo bakoitzaren partaidetza portzentaje edo koefizientea.
Subjektu pasiboen partaidetza portzentajeen batura 100 izan behar da.

== **__{{id name="DATOSTRANSMITENTES"/}} 6. ESKUALDATZAILEEN DATUAK EDITATU __** ==


* **Eskualdatzailea**
Aukeratu eskualdatzailea goitibeherako zerrendan.
Eskualdatzaile berri bat aukeratzeko (hau da, zerrendan ageri ez den  eskualdatzaile bat), BERRIA  botoia sakatu eta bere datuak adierazi.

* **Partaidetza portzentajea **
Adierazi eskualdatzaile bakoitzaren partaidetza portzentaje edo koefizientea.
Eskualdatzaileen partaidetza portzentajeen batura 100 izan behar da.

= **II. AURKEZPENA** =

== **__{{id name="FORMAPRESENTACION"/}} 1. EREDUAK NOLA AURKEZTU ETA DIRU-SARRERA NOLA EGIN__** ==

Modu hauek daude 60A, 60S eta 60T ereduak aurkezteko:

  I.- Bide **TELEMATIKOA**, Internet bidez, «ZERGABIDEA» plataforma erabilita.

    Aurkezpena bide telematikoz egiten bada, **emaitza ordaintzekoa** izanik, autolikidazioa **aurkeztutzat joko** da **diru-sarrera** honako bide hauen bidez egiten denean:

1. Ordainketa-pasabidearen bidez, abenduaren 11ko 1074/2008 Foru Aginduan xedatutakoaren arabera (1074/2008 Foru Agindua, abenduaren 11koa, Gipuzkoako Foru Aldundiaren zuzenbide publikoko diru-sarrerak ordainketa-pasabidearen bidez ordaintzea arautzen duena).
1. Ordainketa-gutunaren bidez: Zergabidea plataformatik ordainketa-gutuna inprimatu beharko da, eta ondoren, zenbatekoa erakunde laguntzaileetako batean ordaindu. Gipuzkoako Foru Ogasunean ordainketaren baieztapena jaso eta gero (egun gutxi batzuk), autolikidazioaren aurkezpena automatikoa izango da eta aurkezpenaren egiaztagiria eskuratu ahal izango da.

  II.- **PAPEREZKO EUSKARRIA**. Interesdunek honela eskuratu dezakete paperezko euskarria: eredua PDF formatuan inprimatuz Gipuzkoako Foru Aldundiaren egoitza elektronikotik (https://egoitza.gipuzkoa.eus) eta Ogasun eta
    Finantza Departamentuaren webgune ofizialetik (https://www.gipuzkoa.eus/ogasuna), edo, bestela, zuzenean «ZERGABIDEA» plataformatitik inprimatuz, betiere dagokion eredua bete eta gero. Orobat, eredu horiek Gipuzkoan
    baimendutako estankoetan ere eskura daitezke.

    Aurkezpena paperean egiten bada **emaitza ordaintzekoa izanik**, inprimakia aurkeztu baino lehen autolikidazioaren zenbatekoa ordaindu beharko da abuztuaren 2ko 38/2006 Foru Dekretuaren bidez onetsitako Gipuzkoako
    Lurralde Historikoko Zerga-bilketa Erregelamenduan aipatzen diren entitate laguntzaileetako batean. Hori egin ondoren, zergadunek Ogasun eta Finantza Departamentuko Herritarren Arretarako bulegoetan aurkeztu ahal
    izango dute eredua eta hari dagokion dokumentazioa.

    Aurkezpena paperean egiten bada **ordaindu beharreko kuotarik izan gabe**, eredua eta dokumentazioa zuzenean aurkeztuko dira Ogasun eta Finantza Departamentuko Herritarren Arretarako bulegoetan.

== **__{{id name="PLAZOPRESENTACION"/}} 2. EREDUA AURKEZTEKO EPEA__** ==

Zergaren sortzapena gertatu ondorengo 30 egun baliodunen barruan aurkeztu behar da, ordainketa burutu eta gero.